梁詠琪微博又有佳作
「現在不管你是誰，微博寫得中聽不中聽，都有被轉貼的潛力。分別是，毛主席發的一定沒有人批評，博友們發的就不一定。」藝人梁詠琪噚日又喺微博尋釁滋事，矛頭仲直指偉大嘅毛主席，認真沙膽。
上述留言出咗冇耐，就喺網上流傳， facebook都有人以「 GiGi梁詠琪再發功」為題，一傳百，百傳千。
不怕得罪阿爺
梁詠琪呢段留言可以話係有感而發，佢首先引述咗內地人氣公民記者連岳嘅一句微博留言：「毛澤東時代，是他一個人寫微博的時代，他每有更新，人們就負責轉發到中國的每面牆上。」然後 GiGi就發表評論，意有所指。
GiGi早前喺微博發放訊息，力撐因尋釁滋事罪被拘控的趙連海，後來又主動將有關訊息刪除，繼而留下可堪玩味嘅另一條訊息：「內地有內地的規矩？？好，我刪！但不公平的事還是不想再看到，尤其發生在平民百姓身上。」
演藝界，特別係香港嘅演藝界，為咗攀附潛力無限嘅內地市場，冇乜邊個敢得罪中央。梁詠琪可能唔係如日方中嘅大紅星，但係能夠冒住阿爺嘅大不韙金句連珠發炮，都確係勇氣可嘉。
http://demo01.atnext.com/ray/ifra/images/icon_enlarge.gif
http://www1.hk.apple.nextmedia.com//images/apple-photos/apple/20100418/small/18lp2p11new.jpg
梁詠琪早前喺微博撐趙連海而被河蟹。資料圖片
页:
[1]