吳美珩騷身材嫌婚紗Size細

倚倚

向來惜肉如金的吳美珩，日前為無新劇《愛情全保》拍攝一場婚紗戲，事前美珩向工作人員要求要一件大Size婚紗戲服，難怪她被嘲是「有料之人」.

陳錦鴻、吳美珩、馬國明和江芷妮等，日前在數碼港拍攝無新劇《愛情全保》，劇情講述一對新人吳美珩和陳錦鴻，聯同伴郎伴娘影婚紗相，而拍攝前工作人員更為新人準備戲服，期間吳美珩竟開玩笑表示要件大Size婚紗，記者聞言即嘲她是「有料之人」，她不甘示弱大方說：「唔好睇小我喎，我身形比較高大，鬼婆Size嘛，哈哈！」

唔怕貨比貨此外，劇集《情陷夜中環》因涉及保險界形象，惹來有關業界人士不滿，連番投訴，而《愛》劇內容同樣涉及保險界，不過吳美珩就冇有怕：「怕唔怕套劇會畀人投訴？唔怕，我形象好正面，劇情都係輕鬆搞笑為主，唔係勾心鬥角。（劇入面衣性唔性感？）劇組做過調查，知道保險從業員要畀人誠信印象，所以只會深色衫，最多都係唔扣領口粒鈕。」

另外，馬國明在劇中飾演「爛撻青年」，早前更與監製結伴夜蒲見識一下：「第一次做游手好閒角色，平日唔願返工，淨係夜晚會夜蒲猜枚，但我本身唔識猜枚，所以咪去見識囉！」