麗淇嘉穎越拍越親密

倚倚

鄭嘉穎、周麗淇（Niki）、黃宗澤（Bosco）、徐淑敏（Suki）及唐詩詠等，昨為無線新劇《最美麗的第七天》試造型，其中緋聞男女Niki和嘉穎再度合演情侶，而活動上他們更密密傾毫無避忌，問Niki可擔心再與嘉穎傳緋聞？她輕鬆笑道：「傳咗好耐啦！唔理啦！」

早知伊健拍拖

談及他們上次的《天幕下的戀人》收視理想，今次同班底再合作可有壓力？她說：「上次我冇諗過有咁嘅效果，今次亦冇諗過。」而此劇十二月將到日本取景兩星期，更會用16比9鏡頭去拍攝，有較高的清晰度，故屆時要養足精神開工，否則就會很醜。問她與嘉穎可有親熱戲？她笑道：「愛情劇當然有，但不會太激。」Niki過去亦曾與鄭伊健傳緋聞，如今對方已有蒙嘉慧這個新女友，問她可覺甩難？Niki笑道：「我同佢（伊健）嘅緋聞由頭到尾都好無聊，而作為朋友，一早已知道他們戀情，但都守口如瓶，希望他日都會幫我守口如瓶。」

不會再傳緋聞

今次是嘉穎第三度與Niki合作，他相信大家不會再傳緋聞，因已沒有新鮮感。有指Niki的男友名單上只剩下嘉穎一人，因連伊健也名草有主，嘉穎笑道：「恭喜伊健囉！不過呢啲嘢（感情事）唔可以人有我有，順其自然。」嘉穎今次飾演一個吊兒郎當，沒正當職業的不羈浪子，問到現實生活中，他可是這樣的人？他反問記者：「你哋覺得呢？（你要求都幾高囉！）係呀！?娛樂圈已經冇私隱，所以我唔會公開戀情，留番啲私隱畀自己。」

徐淑敏覺幸運

另外，Suki跟無線簽了五年合約，即有機會拍攝第一個劇集，並可與偶像Bosco合作，故感到十分開心，問到男友是否支持她入行？她未有正面回答，只道：「家人同朋友都支持我。」對於她是同屆港姐中最快拍劇的一個，她稱行的路各有不同，自覺算幸運，會珍惜機會。