【連載】東方日報暗訪 揭黎智英勾結鬼佬反中亂港鐵證

榮華富貴

佔中以嚟，各位街坊可以見到黎智英（肥佬黎）周不時到金鍾，帶住D壹傳媒記者連續炒作佔領區各種新聞，為搞亂香港嘅佔中分子打氣，以致一眾反對派議員時常到肥佬黎嘅寶座，鞍前馬後，儼如眾星拱照。

但系，黎智英係學運罷課前同埋佔中開始以後，一路同D鬼佬，譬如所謂歐元之父嘅美國人蒙代爾（Robert Alexander Mundell）聯系密切，目的意圖叵測，就鮮為人知囖。

早喺八月初，肥佬黎已招呼蒙代爾嚟港，並一路親自安排各種行程。蒙代爾八月七日抵港，由肥佬黎左右手Mark Simon親自揸車去機場接機，並送蒙代爾同家人、隨行人員去咗金鍾一幢服務式住宅。





翌日早上十點幾鍾，東方日報社嘅記者發現，肥佬黎及蒙代爾前後腳喺「香港國際脷針研究治療中心」出現，而無幾耐又見佢兩個分別現身中環食飯，走嗰陣雖然系前後腳，但蒙代爾就坐肥佬黎名下座駕離開，證明關系唔單密切，更想掩人耳目。